Ipuin bateko paisaia bailitz, udazkena etorri eta, duela milaka urte bezala, pagoek hostoak askatu eta alfonbra gorrixka batez estali lurra. Goroldiaren artean zizak hazi, eta, urrunean, errekaren hotsa entzun da. Aski da Nafarroako Pirinioetara hurbiltzea, urteko urtarorik magikoarenaren xarma ikusteko.
Autoa erabiltzea da bidaia kromatiko hau egiteko modurik hoberena, eta, oso garrantzitsua, presarik gabe egin behar da. Kolore kontraste handiak ematen dira mendian: gorriak, horiak, laranjak, okreak, marroiak eta berdeak, moreak, grisak… eta bakoitza milaka gama desberdinekin.
https://www.youtube.com/watch?v=nSps4SAEk6M
Urteko garai honetan ibarreko herriak dekoratzen dituzten basoek eta lorategiek kolore sinfonia berezi askoa eskaintzen dute, eta kontenplatzea aski da edertasuna bilatzen duten bisitarien nahia asetzeko.
Ibilbideak egitea dago, naturarekin gozatzeko aukera eskaintzeko espresuki diseinatutako panoramika zabalak dituzten bideetan barna. Leku batzuk, gainera, seinaleztatu dira (behatokiak), eta horietatik ñabarduren aniztasuna handiagoa da. Eta oso garrantzitsua da, argazki kamera eramatea.
