Skip to main content

S.L. NA-54: ABAURREA BIDEAN

Ibilbidea

Borobila

Luzera

5,6 Km

Desnibela

240 metros

Denbora

2 h 00 Minutu

IBILBIDEEN DESKRIBAPENA:

Abiapuntua Abaurrepean dago. Hasieran hainbat belardiren albotik eginen dugu aitzinat, eta ondoren harriz jositako bide bat hartuko dugu pista batera atera arte. Pista hartuta gorantz eginen dugu, eta handik lasterrera zuhaitz eta zuhamuxka bakanduak dituzten larreak zeharkatzen dituen bidexka hartuko dugu. Ondoren, berriro ere, pista hartuko dugu bi Abaurreak lotzen dituen errepidera iritsi arte; tarte labur batean, bitan zeharkatu beharko dugu errepidea. Asfaltoa alde batera utzita, begien bistan dagoen muinoraino doan bideari jarraituko diogu. Banalerroa zeharkatuta, ibilbidea, berriro ere soro eta belardien artean, mendiartetik doa, eta errepidera eramanen gaitu. Errepidea zeharkatuko dugu, eta Abaurregainera iritsiko gara. Hemendik aitzin, ibilbideak bi herriak lotzen dituen garai bateko bidetik jarraitzen du, basoak hartutako hegi batetik behera eginez. Berriro ere pistara iritsiko gara, eta errepidea zeharkatuta, abiapuntura helduko gara.

Oinarrizko gomendioak:

  • Begiratu aurretik eguraldiaren iragarpena
  • Eraman gainean telefono mugikorra, kargatuta, eta mapa bat.
  • Arropa eroso eta egokia eraman, urtaroaren araberakoa.
  • Jakinarazi norbaiti nora zoazen eta zer ordutan itzuliko zaren.
  • Motxila txiki bat eraman, honakoarekin: arropa lodia, txamarra, janaria eta ura.
  • Udan tenperatura beroetatik babestu. Eraman txanoa, eguzkitarako krema eta betaurrekoak.
Close Menu

menu